Bas prokýratýra QR Prezıdentiniń kezekten tys saılaýyn aryz-shaǵymdar eń az túsken saılaý dep baǵalap otyr
ASTANA. 3 sáýir. QazAqparat /Aıdar Ospanalıev/ - Bas prokýratýranyń málimetteri boıynsha, QR Prezıdentiniń kezekten tys saılaýymen baılanysty memlekettik organdarǵa barlyǵy 1 myń 4 ótinish kelip túsken.
Bul týraly búgin jýrnalıstermen bolǵan brıfıngte Bas prokýratýranyń Áleýmettik-ekonomıkalyq saladaǵy zańdylyqtardy qadaǵalaý departamentiniń bastyǵy Andreı Kravchenko aıtty.
Onyń aıtýynsha, ótinishterdiń arasynda aryzdar - 907, shaǵymdar - 90, usynystar -7. «Jalpy alǵanda ótinishter sany asa kóp emes. Eger bul málimetterdi osyǵan deıingi saılaýlarda oryn alǵan jaǵdaımen salystyrsaq, qazirgi qalyptasqan jaǵdaıdyń áldeqaıda basqasha ekendigin kórýge bolady. Óıtkeni, shaǵymdar sany óte az. Menińshe osy saılaýda turǵyndar tarapynan shaǵymdardyń az bolýyna saılaýdyń ereksheligimen qatar, memlekettik organdardyń saılaýǵa tyńǵylyqty daıyndyǵy sebep bolyp otyr. Sonda-aq jaǵdaıdyń ońalýyna sońǵy 5 jylda saılaý zańnamalaryna engizilgen ózgerister ıgi yqpalyn tıgizdi»,-dedi Bas prokýratýra ókili.
