Bas prokýratýra Qordaı oqıǵasy boıynsha shyqqan sot úkimine túsinik berdi
Baspasóz qyzmetiniń málimetterine qaraǵanda, 29 qyrkúıekte buqaralyq aqparat quraldary Almaty garnızony áskerı sotynyń Qordaı aýdanynda bolǵan jappaı tártipsizdikterge qatysqan jeti adamdy sottalǵanyn habarlady.
Almaty garnızony áskerı sotynyń úkimimen urlyq jasaǵandary jáne jappaı tártipsizdikterge qatysqandary úshin áskerı qyzmetshi Ý. Atanbaev, sondaı-aq A. Tileýǵalıev, A. Nurahanov, E. Býralkınov, R. Bejibaı, M. Dúısenbaev jáne B. Ibragımov 3-ten 9 jylǵa deıingi merzimge bas bostandyqtarynan aıyryldy.
Buryn tergeý barysynda Ý. Atanbaevqa jáne onyń sybaılastaryna qatysty materıaldar istiń áskerı sotqa jiberilýine baılanysty jeke is júrgizýge bólek alynǵan bolatyn.
Sonymen qatar 21 shildede arnaıy prokýrorlar 51 adamǵa qatysty tergeýdi aıaqtady.
Olarǵa bıylǵy jyldyń aqpan aıynda Masanshy, Bular batyr jáne Aýqatty aýyldarynda bolǵan oqıǵalar barysynda kúsh qoldaný, kisi óltirý, múlikti órteý jáne qıratý, jappaı tártipsizdikterge arandatý jáne bılik ókilderiniń talaptaryna baǵynbaý boıynsha aıyp taǵyldy.
Qazirgi ýaqytta aıyptalýshylar qylmystyq is materıaldarymen tanysýda, sodan keıin is sotqa joldanatyn bolady.
«Sondaı-aq bıylǵy jyldyń naýryz ben tamyz aılary aralyǵynda polıtseılerge zorlyq-zombylyq kórsetken aǵaıyndy Voıngýıdiń (18 naýryzda 1,5 jylǵa bas bostandyǵynan aıyryldy) Qudashbaevtarǵa qatysty adamdar tobynda densaýlyqqa qasaqana ortasha aýyrlyqtaǵy zııan keltirgenderi jáne buzaqylyq jasaǵandary úshin ákeli-balaly ıÝnhýdyń (24 sáýirde árqaısysy sáıkesinshe 2,5 jylǵa bas bostandyǵynan aıyryldy jáne shekteldi) 54 dana «Molotov» kokteılin daıyndaǵany jáne tasymaldaǵany úshin R. Veıserdiń (12 tamyzda 3 jylǵa bas bostandyǵynan aıyryldy) sottalǵandaryn eske salamyz»,-delingen habarlamada.
Eske sala ketsek, bıyl bıylǵy jyldyń 7 aqpanynda Qordaı aýdanyndaǵy Masanchı aýylynda jappaı tóbeles boldy.
