Bas prokýratýra QDT-nyń nelikten ekstremıstik uıym dep tanylǵanyn túsindirdi
«Ábilıazov «Qazaqstannyń demokratııalyq tańdaýy» atynan áleýmettik jelide belsendi túrde jumys júrgizip jatyr. Óz jarııalanymdarynda ol azamattardy QDT quramyna qosylýǵa shaqyrady. Qazirgi bıliktiń jaısyz beınesin qoldan jasap kórsetkisi keledi. Azamattardy memlekettik organdar men laýazymdy adamdarǵa qarsy qoıyp, áleýmettik alaýyzdyqty týdyrǵysy keledi. Keshendi túrde júrgizilgen taldaý kórsetip otyrǵandaı, ol josparly ári maqsatty túrde azamattardy bılikke qarsy belsendi áreket etýge úndep, osylaısha áleýmettik alaýyzdyqty týdyrýdy maqsatqa jetýdiń, bılikti kúshpen basyp alyp, Konstıtýtsııalyq qurylymdy ózgertýdiń amaly retinde qarastyrýda. Atalmysh uıǵarym sot saraptamasymen rastaldy», - dedi OKQ-da ótken jıynda QR Bas prokýratýrasynyń qoǵamdyq múddeni qorǵaý qyzmeti bastyǵynyń orynbasary Anna Jdanova.
Ol, sonymen qatar, QDT-nyń nelikten ekstremıstik uıym dep tanylǵanyn atap ótti.
«Ekstremızm men terrorızmge qarsy zań boıynsha áleýmettik alaýyzdyqty týdyrý, bılikti kúshpen basyp alý, Konstıtýtsııalyq qurylymdy ózgertý saıası ekstremızmge jatady. Osy sebepti sot QDT qozǵalysynyń ekstremıstik uıym dep tanydy», - dedi Anna Jdanova.
Eske sala ketsek, búgin Bas prokýratýranyń ókilderi OKQ-da Muhtar Ábilázovqa qatysty málimdeme jasaǵan bolatyn.
