Bas prokýratýra Q.Bıshimbaevtyń isine baılanysty eskertý jasady
ASTANA. KAZINFORM – QR Bas prokýratýrasy Qýandyq Bıshimbaevtyń isine qatysty eskertý jarııalady.
QR Bas prokýratýrasy baspasóz qyzmetiniń habarlaýynsha, medıa-keńistikte Q.Bıshimbaevqa qatysty qylmystyq is boıynsha sotqa deıingi tergep-tekserý nátıjelerine kúmán keltiretin materıaldar jarııalanýda.
Mundaı málimetterdi taratý onyń naqty is boıynsha obektıvti jáne ádil sot tóreligin júzege asyrýyna kedergi jasaý maqsatynda sotqa áser etý nysany retinde baǵalanýy múmkin.
Qazaqstan Respýblıkasy Qylmystyq kodeksiniń 407-babyna sáıkes sottyń qyzmetine aralasýǵa jol berilmeıdi jáne ondaı áreket úshin jazalanady.
Kórineý jalǵan málimetterdi taratqany úshin Qazaqstan Respýblıkasy Qylmystyq kodeksiniń 274-baby boıynsha qylmystyq jaýaptylyq kózdelgen.
«Osyǵan baılanysty Bas prokýratýra barlyq azamattar men BAQ-tardy zańdylyqty saqtaýǵa shaqyrady, qylmystyq quqyq buzýshylyqtar jasaýdan jáne sottyń qyzmetine qandaı da bolmasyn túrde aralaspaýdy eskertedi»,-delingen habarlamada.
Búgin Astanada Qýandyq Bıshimbaevtyń isine qatysty sot otyrysy ótkenin habarladyq.
