Bas prokýratýra qazaqstandyq terrorısti sýrettep berdi
ASTANA. 22 qarasha. QazAqparat - Búgin Parlament Májilisinde ótip jatqan konferentsııa barysynda sóz sóılegen QR Bas prokýrorynyń birinshi orynbasary Iogan Merkel Qazaqstandaǵy lańkestiń portretin sýrettep berdi.
«Búgingi tańdaǵy qazaqstandyq terrorıst degen kim? Buǵan jaýap berý úshin bizdiń statıstıkamyzǵa silteme jasaýdy jón kórdim. Máselen, sotty bolǵan lańkesterdiń 60 paıyzǵa jýyǵynyń jasy 29-ǵa tolmaǵandar. ıAǵnı, basqasha aıtqanda bular kil jastar. Sosyn barlyǵy derlik, naqtylap aıtsam 95 paıyzy - jumyssyzdar. Osylaısha, Qazaqstandaǵy terrorıstiń jınaqtalǵan portretin sýretteýge bolady - bul ómirde óz ornyn tapqysy keletin jáne bilimi joq, bolashaqtaǵy perspektıvalary da belgisiz jastar», - deıdi Iogan Merkel.
Onyń aıtýynsha, sońǵy bes jylda terrorıstik qylmys boıynsha 148 adam sottalǵan, al ekstremıstik belgileri boıynsha qylmystylar sany 160 adamdy quraǵan.
