Bas prokýratýra: Qazaqstanda «Túzeý mekemelerindegi jumyspen qamtý-2017» jobasy bastalady

ASTANA. QazAqparat - Qazaqstanda túzeý mekemelerinde jazasyn óteýshilerdi jumyspen qamtý máselesin sheshý maqatynda «Túzeý mekemelerindegi jumyspen qamtý-2017» jobasy bastalady. Jobanyń basty maqsaty - 2018 jylǵa deıin sottalǵandardyń 75 paıyzyn eńbekpen qamtamasyz etý. Bul týraly búgin ótip jatqan «Túzeý mekemelerindegi jumyspen qamtý» atty ekinshi forýmda QR Bas prokýrorynyń orynbasary Jaqyp Asanov aıtty.

«2020 jylǵa deıingi Quqyqtyq saıasat tujyrymdamasynyń basty maqsaty - jazasyn óteýshilerdi qoǵamǵa paıdaly eńbekke tartý arqyly olardyń jumyspen qamtylý máselesin sheshý. Sondyqtan biz búgin «Túzeý mekemelerindegi jumyspen qamtý-2017» atty jańa jobany iske qosýdy durys dep sheshtik. Ol buǵan deıingi bastamalardyń zańdy jalǵasy bolady», - dedi Jaqyp Asanov.

Ol sondaı-aq óz sózinde jobanyń nege 2017 jyly bastalatynyn túsindirdi. «2017 jylǵy deıingi 3 jylda zańdardy ázirlep, túzeý mekemelerine aktıvterin qaıtaryp, jańa talaptarǵa túzeý mekemelerindegi jazasyn óteýshilerdi de, qyzmet etýshilerdi de beıimdep, jumyspen qamtý máselesinde belgili bir nátıjelere jetip úlgerý qajet», - deıdi J. Asanov.

Onyń aıtýynsha, «Túzeý mekemelerindegi jumyspen qamtý-2017» jobasy PRI standarttary boıynsha ázirlengen. Jobanyń basty maqsaty 2018 jylǵa deıin sottalǵandardyń 75 paıyzyn eńbekpen qamtamasyz etý.

Aıta keteıik, forýmǵa QR Memlekettik hatshysy Gúlshara Ábdiqalyqova, Konstıtýtsııalyq keńes tóraǵasy Igor Rogov, Parlament depýtattary jáne basqa da memorgan ókilderi qatysýda.