Bas prokýratýra qańtarda polıtsııa ǵımaratyna shabýyldaǵan 3 adamnyń qalaı qaza bolǵanyn anyqtady
«Qańtar oqıǵasy kezindegi qylmystar boıynsha tergeý organdarynyń óndirisinde Almaty qalasynda jasalǵan 1 066 qylmystyq is bar. Onyń ishinde 5-eýi - jappaı tártipsizdik, 5-eýi - terrorızm aktileri boıynsha. Sottyń sanktsııasymen 205 kúdikti adam qamaýda. Árbir qamaýǵa alynǵan adam boıynsha qylmystarǵa qatystylyǵy jáne olardaǵy belsendiligi týraly málimet jetkilikti. Bas prokýratýranyń vedomstvoaralyq tergeý toby qylmystyq isterdi tergep-tekserý barysynda Almaty qalasy polıtsııa departamentine shabýyldaǵan 3 adamnyń qaza bolý mán-jaılaryn anyqtady», - dedi ol Ortalyq kommýnıkatsııalar qyzmetindegi brıfıng barysynda.
Aıtýynsha, 5 qańtarda Almaty oblysynyń 2 turǵyny jáne Shyǵys Qazaqstan oblysynyń 1 týmasy polıtsııanyń ǵımaratyna qarýly shabýyldar jasaǵan. Buǵan deıin olar rólderin naqty aıqyndap, ekeýi avtomatpen qarýlanyp, bireýi janǵysh qospany alǵan. Áreketterin júzege asyrý úshin alańnan áskerı júk avtokóligin aıdap ketip, onymen polıtsııa departamentiniń ǵımaratyna jetken.
«Olardyń biri polıtsııa ǵımaratyna qarama-qarsy kóp páterli turǵyn úıdiń tóbesine kóterilip, tártip saqshylaryn kózdep, oq jaýdyrǵan. Sonymen qatar, ol óziniń sybaılastaryn qorǵaǵan. Ekinshisi áskerı kólikpen polıtsııa departamentiniń qaqpasyn buzyp ótýge tyrysqan. Úshinshi qatysýshy ózge shabýyldaýshylardy basqaryp, baǵyt-baǵdar nusqap, ǵımaratqa órt qospasyn laqtyrýǵa áreket etken. Shabýylǵa toıtarys berý nátıjesinde polıtsııa qyzmetkerleri úsheýiniń de kózin joıdy», - dedi Eldos Qılymjanov.
Foto: ortcom.kz