Bas prokýratýra qańtar oqıǵasynda ustalǵan kúdiktilerdiń jaı-kúıin aıtty

NUR-SULTAN. QazAqparat – Qańtar oqıǵasyna qatysty qylmys jasady degen kúdikpen 751 adam tergeý ızolıatorlarynda otyr. Olardyń jaı-kúıin kún saıyn prokýrorlar men quqyq qorǵaý uıymdary tekseredi. Bul týraly QR Bas prokýratýranyń Qylmystyq qýdalaý qyzmeti bastyǵynyń orynbasary Eldos Qılymjanov aıtty, dep habarlaıdy QazAqparat.

«Bas prokýratýra turaqty túrde qamaýda otyrǵan adamdardyń jaı-kúıi boıynsha tekserý júrgizedi. Qazirgi ýaqytta tergeý ızolıatorlarynda 751 adam otyr. Kúdiktiler ustalatyn úı-jaılardy kún saıyn prokýrorlar ǵana emes, quqyq qorǵaý uıymdary da tekseredi. Adam quqyqtary jónindegi ýákilmen, úılestirý keńesiniń múshelerimen jáne ulttyq aldyn alý tetiginiń qatysýshylarymen birlesip barlyq óńirlerde tergeý ızolıatorynda, ýaqytsha ustaý ızolıatorynda jáne arnaıy qabyldaý oryndarynda 118 kezdesý júrgizildi. Ustaý jaǵdaılaryna sonyń ishinde sanıtarlyq normalarǵa, tamaqtanýǵa, dári-dármekpen qamtýǵa jáne basqalaryna erekshe nazar aýdaryldy», - dedi E. Qılymjanov Ortalyq kommýnıkatsııalar qyzmetinde ótken brıfıngte.

Aıta keteıik, qazir Qańtar oqıǵalaryna qatysty sotqa deıingi 3 666 tergep-tekserý isi bar. 162 aıyptalýshyǵa qatysty 101 qylmystyq is sotqa joldandy jáne 62 adam sottaldy.

Atys qarýyn, oq-dáriler men jarylǵysh zattardy saqtaǵandar olardy erikti túrde tapsyrsa jáne áreketterinde basqa qylmys quramy bolmasa, qylmystyq jaýapkerishilikten bosatylady.