Bas prokýratýra is júrgizýde qaǵazdan bas tartpaq
Bas prokýror Jaqyp Asanovtyń paıymynsha, bundaı format tergeý amaldary men qadaǵalaýdyń sapasyn jaqsartady, júıede ashyqtyqty qamtamasyz etedi. Barlyq tergeletin ister onlaın rejimge aýyspaq.
«Jyl saıyn 500 myń qylmystyq isti tergeımiz. Buǵan qosymsha ákimshilik quqyq buzýshylyqtar boıynsha 4,5 mln hattama bar. ıAǵnı, 5 mıllıon is pen materıal boıynsha sheneýnikter adamǵa qandaı jaza taǵaıyndaý kerektigin sheshedi. Alaıda, bul kórsetkishterde turǵan eshteńe de joq. Barlyq elderde de osylaısha. Eń soraqysy, bul ister men materıaldar qolmen jirgiziledi. Atap aıtqanda, mıllıardtaǵan bettermen esepteletin qaǵazdar, qomaqty shyǵyndar baıqalady», - dep toqtaldy Asanov.
Onyń sózine qaraǵanda, qazirgi kezde shaǵymdy nemese isti zertteý úshin aıǵaqtar oblystan suralady, olar óz kezeginde isti aýdannan talap etedi.
«Bizge jetkenshe 2-3 apta ótedi. Keri jiberilgen kezde taǵy da 2-3 apta jolǵa jumsalady. Osylaısha, ister aılap kóship júredi. Ýaqyt ótken saıyn aıǵaqtar joǵalyp, oqıǵa umytyla bastaıdy. Tergeý toqtap turǵandyqtan, kúdikti adam qamaýda otyrady», - dedi Bas prokýror.
Belgili bolǵandaı, jyl saıyn 900 myńǵa jýyq is osyndaı rásimnen ótedi.
«Jylyna 900 myńǵa tarta qaǵaz saıahattap júredi. Qaǵaz degen keshegi kún emes, ótken ǵasyr ǵoı. Qaǵazdaǵy isterdi joǵaltyp alý, joıyp jiberý nemese qoldan jasaý ońaı. Máselen, aýdanda isti zańsyz túrde toqtatsa, ol taǵy bireý shaǵymdanǵansha jata beredi. Árbir isti qolmen qaıta tekserip shyǵý iske aspaıdy. Sondyqtan da aqparattyń osy aýqymyn sandyq formatqa aýystyrýdy kózdep otyrmyz. Bul rette azamattarǵa, qoǵamǵa qajetti paıdaly istermen kóbirek aınalysýǵa múmkin bolady», - dep tapsyrdy ol.
