Bas prokýratýra ınvestordy qorǵaýǵa qatysty qandaı ustanym engizdi

ASTANA. KAZINFORM – Kazinform agenttiginiń BIZDIÑ ORTA podkastynda QR Bas prokýrorynyń orynbasary Jandos Ómirálıev elimizde kásipker men ınvestordy qorǵaý tetikterine túsinik berdi.

– Investorlardy qorǵaý máselesi zańmen bekitilgen. Prokýrordyń kelisiminsiz eshbir organ olardy teksere almaıdy jáne lıtsenzııasyn qaıtaryp ala almaıdy. Sondaı-aq prokýrordyń ruqsatynsyz ınvestormen jasalǵan sharttar buzylmaıdy, – dedi Jandos Ómirálıev.

Budan bólek ol jalpy kásipkerlerge qatysty da qylmystyq isti prokýrordyń kelisiminsiz qozǵaýǵa bolmaıtynyn aıtty.

- Bul – Bas prokýrordyń tikeleı nusqaýy. Eger másele azamattyq-quqyqtyq kelisimsharttarǵa baılanysty týyndasa, onda bul daýlar sotta qaralýy kerek. Quqyq qorǵaý organdarynyń aralasýy – teńsizdik týǵyzyp, kásipkerge qysym retinde baǵalanýy múmkin, – dedi Bas Prokýrordyń orynbasary.

Osyǵan deıin Bas prokýrordyń orynbasary elimizde alaıaqtardy anyqtaý jumystary kúsheıip kele jatqanyn jetkizdi.