Bas prokýratýra ınstıtýtynda AQSh-tyń Ádilet departamentiniń ókili dáris oqydy
ASTANA. Qazannyń 29-y. QazAqparat - Búgin Bas prokýratýra ınstıtýtynda AQSh Ádilet mınıstrliginiń ókili Denıal Hambeldiń dárisi ótti,
dep habarlady oqý ornynyń baspasóz qyzmetinen.
Sharaǵa Qazaqstannyń memlekettik jáne quqyq qorǵaýshy organdarynyń ókilderi, AQSh elshiliginiń jáne QR Bas prokýratýrasynyń qyzmetkerleri qatysty.
Instıtýttyń baspasóz qyzmetinen habarlaǵandaı, «dáriske qatysýshylar aıyptalýshynyń óz kinásin moıyndaýy boıynsha kelissózder júrgizý ádisin qoldanýdyń tájirıbelerimen bólisti».
Óz sózinde Instıtýttyń dırektory Sarqytbek Moldabaev elimizdiń osy saladaǵy saıasatyn ári qaraı damytý úshin talqylanyp otyrǵan taqyryptyń mańyzy zor ekenin atap kórsetti.
