Bas prokýratýra ІІM-iniń, oblystardyń jáne olarǵa teńestirilgen prokýrorlardyń attaryna Qylmystyq is júrgizý kodeksiniń jańa talaptary túsindirilgen hat joldady
TANA. 30 qarasha. QazAqparat - Qylmystyq is júrgizý kodeksiniń jańa redaktsııadaǵy 177-babyna sáıkes habar-osharsyz joǵalǵan adamnyń turǵan ornynyń anyqtalmaýy mindetti túrde qylmystyq is qozǵaý úshin negizderdiń biri bolyp tabylady.
Qabyldanǵan zańnamalyq sharalar habar-osharsyz joǵalǵan adamnyń turǵan orny alǵashqy eki aı ishinde anyqtalmaýy týraly barlyq aryzdar boıynsha qylmystyq is qozǵaýǵa múmkindik beredi, dep habarlaıdy Bas prokýratýranyń baspasóz qyzmeti.
Qylmystyq kodekstiń baby kórsetilmesten QІJK 177-babyna silteme jasaý qylmystyq is qozǵaý týraly qaýlydaǵy osy novellanyń aıyryqsha ereksheligi bolyp tabylady. Іs júrgizýdegi ózgeristerdiń qajettigi habar-osharsyz joǵalǵan adamdy izdestirýdiń qoldanystaǵy tártibiniń tıimsizdiginen týyndap otyr. Іs júzinde qylmystyq ister olardyń qylmystyq jaǵdaıda joǵalýdyń aıqyn belgileri bolǵan kezde ǵana qozǵalady. Bul rette, aýyr jáne asa aýyr qylmystardy jasyrý jaǵdaılary jıi kezdesedi. Qazirgi tańda elimiz boıynsha bizdiń bir jarym myń azamatymyzdyń taǵdyry anyqtalmaǵan kúıde qalyp otyr. Olardyń kópshiligine uzaq ýaqyttaen beri izdeý salynýda, olardyń qylmys qurbany bolýy da múmkin.
Osyǵan uqsas izdestirý Belarýs Respýblıkasynda da júzege asyrylady. Osy eldiń praktıkalyq tájirıbesi habar-osharsyz joǵalýdyń mán-jaılary is júrgizý jolymen jyldam ashylatynyn kórsetti, óıtkeni, QІJK kózdelgen tergeý amaldarynyń (jaýap alý, bettestirý, tintý jáne t.b.) barlyq spektri paıdalanylady.
Adamdardyń joǵalýynyń mán-jaılaryn qylmystyq ister qozǵaý jáne olardy tergeý arqyly anyqtaý ishki ister organdary jumystarynyń tıimdiligin eleýli túrde arttyratyn qosymsha quralǵa aınaldy. Osy sanattaǵy qylmystyq isterdi qozǵaýdyń is júrgizý tártibin birkelki qoldaný maqsatynda Bas prokýratýra Іshki ister mınıstriniń, oblystardyń jáne olarǵa teńestirilgen prokýrorlardyń attaryna Qylmystyq is júrgizý kodeksiniń jańa talaptary tıisinshe túsindirilgen hat joldady. Tutastaı alǵanda, osy usynystar jedel jáne tergeý bólimshelerin qosý jóninde ótkizilip otyrǵan reforma saı keledi jáne ol quqyqtyq bazany jetildirý, ony halyqaralyq standarttarǵa jaqyndatý qajettigimen sharttalǵan.
