Bas prokýratýra Elbasyna tikeleı jeli arqyly joldanǵan máselelerdi sheshý boıynsha belsendi jumystar júrgizýde - aptalyq brıfıng
ASTANA. Qarashanyń 26-sy. QazAqparat /Aıdar Ospanalıev/ - Bas prokýratýra Elbasyna tikeleı jeli arqyly joldanǵan máselelerdi sheshý boıynsha belsendi jumystar júrgizýde.
Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov málim etti, dep habarlaıdy QazAqparat.
Onyń aıtýynsha, Prezıdenttiń atyna prokýratýra organdarynyń quzyryna qatysty úsh jarym myńnan astam saýal joldanǵan. «Turǵyndardyń kóbi sot aktilerimen jáne qylmystyq izdestirý organdarynyń sheshimderimen kelispeıdi. Sondaı-aq taǵy birqadaý máseleler áleýmettik sala men kásipkerik salasyndaǵy quqyqtardyń buzylýymen baılanysty. Qazirgi tańda olardyń basym bóligi tıisti sheshimin tapty jáne bul sheshimder jónindegi málimetter Elbasymen tikeleı baılanystaǵy jelide ornalastyrylǵan. Al bul jumystardyń qorytyndylary Prezıdent Ákimshiligine joldady», dedi resmı ókil.
