Bas prokýratýra: Eki jylda 66 mlrd teńge jymqyrylǵan

NUR-SULTAN. QazAqparat – Bas prokýratýra alqasynyń otyrysynda memlekettik baǵdarlamalarǵa bólingen qarjy jymqyrylǵan qylmystyq isterdi tergeýdiń zańǵa sáıkestigi, turǵyndardy dári-dármekpen qamtamasyz etý máseleleri talqylandy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Ǵızat Nurdáýletov memlekettiń qarjysy keıde azamattarǵa jetpeıtin aıtty. Qaskóı sheneýnikter men kásipkerler qarjy jymqyrýyn áli toqtatqan joq. Bas prokýror quqyq qorǵaý organdarynyń basshylaryn halyqtyń aqshasyn jymqyrýdyń aldyn alý úshin qatań shara qoldanýǵa shaqyrdy.

2017 jyldan beri quqyq qorǵaý organdary tergegen 6 myń (5940) qylmystyq istiń fıgýranttary 66 mlrd teńgeni qoldy qylǵan. Sol qylmystyq isterdiń qazirge deıin 2 685-i sotqa jiberilgen.

Otyrysta turǵyndardy tegin dári-dármekpen qamtamasyz etý jaǵy da sóz boldy. Prokýrorlardyń aıtýynsha, Úkimet Densaýlyq saqtaý mınıstrliginde júrgizilgen tekseris kezinde anyqtalǵan quqyq buzýshylyqtar boıynsha usynysty qaraǵan. Prokýratýranyń aktileri boıynsha 48 laýazymdy tulǵa jaýapqa tartylyp, úsheýi qyzmetinen ketken.

Alqa otyrysyna shaqyrylǵan densaýlyq mınıstri Eljan Birtanov ahýaldy jaqsartý úshin qoldanylatyn sharalardyń jol kartasy ázirlenip jatqanyn jetkizdi.

Otyrysta mınıstrlikke shetelderdiń densaýlyq saqtaý júıesin tsıfrlandyrý tájirıbesin úırený usynylyp, dári-dármek baǵasyn belgileýdi ashyq etý, sybaılas jemqorlyqqa jol bermeý qajettigi aıtyldy.