Bas prokýratýra balalardyń «S» vırýsty gepatıtin juqtyrý faktilerine tekseris taǵaıyndady

ASTANA. 26 shilde. QazAQparat - «Ana men bala ulttyq ortalyǵy» AQ-nyń balalar onkologııasy bólimshesinde emdelip jatqan balalardan «S» vırýsty gepatıtiniń anyqtalýyna baılanysty birlesken tekseris júrgizý týraly Densaýlyq saqtaý mınıstrliginiń ótinishine baılanysty Bas prokýratýra sáıkes tekseris taǵaıyndady.

«Obektıvtilik pen ashyqtyqty qamtamasyz etý maqsatynda tekseriske memlekettik organdardyń, Bas prokýratýra janyndaǵy Qoǵamdyq Keńestiń, keıbir úkimettik emes uıymdardyń ókilderi tartylatyn bolady», delingen Bas prokýratýra baspasóz qyzmetiniń málimetinde.

Qazaqstan Respýblıkasy «Prokýratýra týraly» Zańynyń 5-babyna sáıkes osyndaı tekserister ádette bir aı merzimde júrgizildi, biraq qajet bolǵan jaǵdaıda bul merzim uzartylýy múmkin.

Osy is-sharalardyń qorytyndylary týraly jurtshylyqqa qosymsha habarlanatyn bolady.