Bas prokýratýra BAQ qyzmetine kedergi keltirý týraly: 2015 jyldan 21 is qozǵaldy

Májilis depýtaty Baqytjan Bazarbek «Mass-medıa týraly» zań jobasyn birinshi oqylymda talqylaý kezinde jýrnalıstiń qyzmetine kedergi keltirýge qatysty baptyń is júzinde jumys istemeıtini týraly másele kóterdi, dep habarlaıdy Kazinform.

Mádenıet jáne aqparat mınıstri Aıda Balaeva keıingi bes jyldaǵy ahýalǵa saraptama júrgizilgenin málim etti.

«Jýrnalısterdiń quqyǵyn jáne múddesin qorǵaýǵa men daıynmyn. Óıtkeni ol bizdiń mınıstrliktiń quzyretindegi másele. Al endi naqty bapqa kelsek, shynymen de qylmystyq baptyń jumys isteýi ekiudaı. Biz keıingi bes jyldaǵy ahýalǵa saraptama júrgizdik. Málimet boıynsha, 9 ǵana is qozǵalypty. Sondyqtan bul normany ókiletti organdarmen taǵy da bir ret qarastyraıyq. Óıtkeni bul jerde adam taǵdyry bar. Muny jan-jaqty zerdelep, quqyq qorǵaý organdarynyń pikirin eskere otyryp, ekinshi oqylymǵa deıin qaraýǵa daıynbyz», – dedi Aıda Balaeva.

Al Bas prokýrordyń orynbasary Jandos Ómirálıev atalǵan bap zańnamada paıda bolǵannan bastap ne ózgergeni aıtty.

«Jalpy 158-bap 2015 jyly engizildi. Sol 2015 jyldan bastap 21 qylmystyq is qozǵaldy. Sol 21 qylmystyq istiń ishinde sot úkimderi shyqqan faktiler de bar. Eki jaqtyń tatýlasýyna baılanysty qylmystyq isterdiń qysqarǵany týraly faktiler bar. Endi bul qylmystyq is tek aryz-shaǵym túsken kezde ǵana qozǵalady. Sol sebepti isterdiń qozǵalýy nemese qozǵalmaýy kóbine BAQ ókilderiniń polıtsııa organdaryna der kezinde shaǵymdanýyna tikeleı baılanysty, árıne. Jalpy problemany men estidim. Jekelegen qylmystyq is boıynsha jeke-jeke taldaý qajet. Jalpy bul 158-bap buryn-sońdy bolǵan. Biraq 2015 jyly túzetýler engizilgennen bastap 21 is qozǵalǵan. Al oǵan deıin bir de bir is qozǵalmaǵan», - dedi Bas prokýrordyń orynbasary.