Bas prokýratýra avtobýs júrgizýshilerin qaıta attestatsııalaýdan ótkizýdi usyndy

ASTANA. QazAqparat - Búgin QR Bas prokýratýsyndaǵy alqa májilisinde avtobýs júrgizýshilerin qaıta attestatsııalaýdan ótkizý usynyldy.

«Júrgizýshilerdi avtobýsty basqarýǵa jiberýdiń tártibin qaıta qarastyrý qajettigi týyndap otyr. Osy oraıda olarǵa qosymsha biliktilik talabyn bekitý usynylady. Birinshi kezekte jolaýshylar qaýipsizdigin qamtamasyz etý máseleleri eskerilýi qajet. Atalǵan talaptar negizinde olardyń jańa erejemen jumys isteýge daıarlyǵyn baǵalaý turǵysynda jalpyǵa birdeı qaıta attestatsııalaý júrgizý usynylady», - dedi QR Bas prokýratýrasynyń departament basshysy Qanat Seıdǵapbarov.

Sonymen qatar ol elimizde kásibine jaýapkershilikpen qaraıtyn ári bilikti júrgizýshilerdiń pýlyn qurý qajettigin atap ótti.