Bas prokýratýra alqasy Elbasynyń tapsyrmalaryn iske asyrý jóninde birqatar mindetter júktedi
ASTANA. 27 sáýir. QazAqparat - Búgin Bas prokýror Ashat Daýylbaevtyń tóraǵalyq etýimen Bas prokýratýra alqasynyń kezekti otyrysy boldy.
Onda oblys prokýrorlarynyń aldyna 2011 jylǵy 17 sáýirde Úkimet músheleriniń, oblys ákimderiniń, ortalyq memlekettik organdar, «Nur Otan» partııasy jáne «Samuryq-Qazyna» qory basshylarynyń qatysýymen bolǵan Úkimettiń keńeıtilgen otyrysynda Memleket Basshysy bergen tapsyrmalardy iske asyrý jóninde birqatar mindetter júkteldi, dep habarlady vedomstvonyń baspasóz qyzmetinen.
Alqa jumysy barysynda keri kúshi bar qylmystyq zańdardy shyǵarýǵa baılanysty zańdy kúshine engen sot aktilerin qaıta qaraǵan kezde Qylmystyq is júrgizý kodeksiniń 453-shi babyn sottardyń qoldanýynyń qalyptasqan praktıkasy qaraldy.
Prokýrorlar sottardyń jaza taǵaıyndaý, kinálilerdiń áreketterin saralaý, sottalǵandardy bas bostandyǵynan aıyrý oryndarynda ustaý rejımderiniń túrlerin aıqyndaý kezinde qylmystyq zań normalaryn durys qoldanbaýyna baılanysty buzýshylyqtardy aıqyndady.
Qazirgi tańda, Bas prokýratýra sottalǵandardyń quqyqtaryn qorǵaýda sot qaýlylaryna 35 narazylyq keltirdi, olardyń 11-i qaraldy jáne qanaǵattandyryldy. Joǵarǵy Sotqa zańdylyqtyń buzylýyn joıý týraly usynys engizildi.
Oblys prokýrorlaryna sottar usynystaryn qanaǵattandyrýdan negizsiz bas tartqan sottalǵandardyń quqyqtaryn buzýshylyqtarǵa jol berýdi joıý tapsyryldy.
Sondaı-aq alqada Ádilet mınıstrligi Qylmystyq-atqarý júıesi komıteti qonys-kolonııasy qyzmetindegi zańdylyqtyń jaı-kúıi máselesi qaraldy.
Prokýrorlyq tekserýler qonys-kolonııalary qyzmetiniń kópshiliginde buzýshylyqtardy anyqtady. Jazanyń oryndalýyn tómen uıymdastyrýdyń jáne tıisinshe vedomstvolyq baqylaýdyń bolmaýy saldarynan qonys-kolonııalar qyzmeti qoıylǵan maqsattar men mindetterge tolyq jaýap bermeıdi.
Ádilet mınıstrligine qonys-kolonııalarynyń qyzmetin tıisinshe vedomstvolyq baqylaýdy qamtamasyz etý, asa aýyr qylmys jasaǵany úshin sottalǵandardyń qonys-kolonııasynan tys júrip-turý quqyǵyn berý faktilerin boldyrmaý usynyldy.
Bas Prokýror aýmaqtyq prokýrorlarǵa qonys-kolonııalary qyzmetinde, sondaı-aq sottar úkimderdiń oryndalýyna baılanysty máselelerdi qaraǵan kezde zańdylyqty buljytpaı oryndaýdy qamtamasyz etýdi tapsyrdy.
Alqa jumsyna Prezıdent Ákimshiligi, Joǵarǵy Sot, ádilet, ishki ister, eńbek jáne halyqty áleýmettik qorǵaý mınıstrlikteriniń ókilderi qatysty.
