Bas prokýratýra alımentshilerge qarsy «30 qadammen» kúrespek

ASTANA. QazAqparat - Bas prokýratýra alımentter boıynsha jaǵdaıdy ózgerte alatyn 30 shara ázirledi.

Bul týraly búgin Alımentterdi óndirip alý jónindegi úılestirý keńesiniń otyrysynda QR Bas prokýrory Jaqyp Asanov málim etti.

Jaqyp Asanov 3 jyldyń ishinde alıment boıynsha 13 myńnan astam boryshkerge elden shyǵýǵa, kólik basqarýǵa tyıym salynǵanyn atap ótti.

«Osyǵan oraı, Bas prokýratýrada saraptama toby quryldy, ol  alıment tólemeýdiń sebepterin anyqtady jáne «Alımentter. Tólemeýge qarsy 30 qadam» jobasyn ázirledi», - dedi J.Asanov.

Bas prokýror jurtshylyqty jobanyń iske asyrylýyna qoldaý kórsetýge jáne belsendilik tanytýǵa shaqyrdy.

Aıta keteıik, bunyń aldynda habarlaǵanymyzdaı, Qazaqstanda alımentter boıynsha qaryz 2 mlrd. teńgege jýyqtaǵan. Búginde elimizde 350 myńnan astam bala alımentke muqtaj.