Bas prokýratýra aldynda ózin órtegen áıel qaıtys boldy
ASTANA. QazAqparat - QR Bas prokýratýrasynyń aldynda ózin-ózi órtegen áıel qaıtys boldy, dep xabarlaıdy QazAqparat tilshisi.
Astana qalalyq densaýlyq saqtaý basqarmasynyń habarlaýynsha, Bas prokýratýranyń ǵımaraty aldynda ózin-ózi órtegen áıeldiń búgin tańerteń kóz jumǵan. Qosymsha aqparat jarııalanatyn bolady.
Aıta keteıik, jeltoqsannyń 6-sy kúni Maıra Rysmanova Bas prokýratýranyń baqylaý-ótkizý beketinde ózine benzın quıyp, ot salǵan. Sol jerde júrgen adamdar oǵan kómekke keledi.
M.Rysmanova osy áreketimen Jambyl oblysy Shý aýdandyq sotynyń sheshimine narazylyq bildirgen. Onyń uly E.Axmetovti zańsyz esirtki aınalymy úshin 4 jyl 6 aıǵa sottaǵan. Al Bas prokýror Jaqyp Asanov ózin-ózi órtegen áıel úshin biliksiz mamandardy kinálady.
