Bas prokýratýra alaıaqtyqtyń jańa shemasy týraly eskertti
ASTANA. KAZINFORM — Bas prokýratýranyń Quqyqtyq statıstıka jáne arnaıy esepke alý jónindegi komıtetiniń Qylmystyq qaterler men qoǵamdyq qaýipsizdik táýekelderin boljaý ortalyǵy ınternet-alaıaqtyqtyń jańa shemasy týraly eskertti.
Prokýratýra sheteldik derekkózderdegi málimetterdi alǵa tarta otyryp, alaıaqtar tegin elektrondyq kitaptar retinde Telegram-ǵa zııandy faıldardy taratatynyn eskertip otyr.
Aldaý shemasy óte qarapaıym:
— Siz Telegram-nan kitaptardyń úlken kitaphanasyna qoljetimdilik týraly shekteýsiz habarlama alasyz. Qajetti basylym suralǵannan keıin bot naqty servıske uqsatyp jasaı otyryp, kitap sıýjetiniń qysqasha sıpattamasyn jasaıdy, biraq kitapty oqý nemese júkteýdiń ornyna Sizge «arnaıy qosymsha» degen ataýmen vırýstyq faıl jiberedi. Faıldy ornatý óte aýyr saldarǵa ákeledi: parolder men aqshalardy urlaý, hat almasý jáne fotosýretterge qol jetkizý, smartfondy qashyqtan basqarý jáne jeke derekterdi joǵaltý. Beıresmı kózderden basqa qosymshalardy ornatý jaǵymsyz saldarlarǵa ákep soǵýy múmkin, — dep habarlady prokýratýradan.
Kıbergıgıena erejelerin saqtaý jáne jeke qyraǵylyq osyndaı qaýip-qaterlerden qorǵaýdyń negizgi sharalary bolyp qalyp otyr.
Eske sala keteıik, buǵan deıin asa iri mólsherde alaıaqtyq jasaǵan kúdikti Reseıden ekstradıtsııalanǵanyn jazǵan edik.