Bas múftıdiń Ramazan aıy qarsańyndaǵy úndeýin qoldaýǵa baǵyttalǵan shyǵarmashylyq báıge jarııalandy

«Jyl saıyn Qasıetti Ramazan aıy bastalardan bir aı buryn QMDB -nyń tóraǵasy, Bas múftı, sheıh Ábsattar qajy Derbisáli hazret bılik tutqasyn ustap otyrǵan azamattar men kásipkerlerge, el halqyna áleýmettik jeńildikterge baılanysty saýapty qadamdar  jasaýǵa shaqyryp úndeý jarııalaıdy. Bas múftıdiń úndeýi óz kezeginde áleýmettik salalarda birshama aıtarlyqtaı  jaqsylyqtarǵa bastap,  oıly da sanaly azamattarymyz arqyly myńdaǵan muqtaj jandar men  az qamtylǵan toptarǵa járdem jasalyp kelgenin bilemiz»,-delingen QMDB málimetterinde.

Atap aıtqanda, bıyl da osyndaı úndeý jasalǵan bolatyn.

«Qasıetti Ramazan aıynyń qurmetine oraı jasaǵan Bas múftıdiń úndeýin iske asyrý turǵysynan jáne Alla rızashylyǵy úshin talantty jastar men jasóspirimder arasynda «Úndeýge qoldaý» taqyrybynda arnaıy shyǵarmashylyq báıge jarııalandy, báıge qorytyndysyn Ramazan aıynda qabyldap qasıetti Qadir túni shyǵaratyn bolamyz», - deıdi QMDB-nyń Pavlodar oblysy boıynsha ókil ımamy, «Máshhúr Júsip» meshitiniń bas ımamy Narıman Isenov.