Bas múftıdiń paıymdaýynsha, sheteldegi bedeli joq medreselerden tálim alǵansha Qazaqstandaǵy oqý oryndaryna túsken jón

Bul týraly búgin Qazaqstan musylmandary dinı basqarmasynyń tóraǵasy, Bas múftı Sheıh Ábsattar qajy Derbisáli Qazaqstan dintanýshylarynyń birinshi forýmynda aıtty.

«Keıbir jastarymyz shetelge bedeli joq medresesymaqtarǵa baryp jatady. ıAǵnı, olar taýdyń qýysynda ma, álde qum arasynda ma, áıteýir bedeli joq oqý oryndaryna barady. Olardyń bedeli qandaı bolsa, bilim berý jaǵdaıy da belgili»,-dedi Bas múftı.

«Ózimizde ýnıversıtet pen medrese ashtyq. Osynda oqysyn. Stıpendııadan qınalyp, ata-analaryn saǵynyp júrgenshe ózimizdiń elde oqyǵan durys. Kimnen kem bizdiń eldiń oqý oryndary»,-dep túıindedi basqarma tóraǵasy.