Bas múftıdiń birinshi orynbasary taǵaıyndaldy
ASTANA. 23 jeltoqsan. QazAqparat /Qanat Mámetqazyuly/ - Aǵymdaǵy jyldyń 22-23 jeltoqsanynda Almaty qalasynda ótken Qazaqstan musylmandary Dinı basqarmasynyń keńeıtilgen tóralqasynda «Áziret Sultan» meshitiniń bas ımamy Qaırat Joldybaıuly QMDB tóraǵasy Ábsattar qajy Derbisáli hazrettiń birinshi orynbasary (naıb mýftı) bolyp taǵaıyndaldy.
Bul týraly QMDB baspasóz qyzmetinen habarlandy.
«Esterińizge sala keteıik, Qaırat Joldybaıuly Mysyrdaǵy álemge áıgili «Ál-Azhar» ıslam ýnıversıtetin tolyq támamdaǵan alǵashqy qandasymyz. Ol óziniń shet elde alǵan dinı joǵary ilimin halqymyzǵa keńinen nasıhattap, asyl dinimizdiń kórkeıýine óz úlesin qosyp keledi. Onyń qalamynan týǵan «Aqıqat shýaǵy», «Kúdikpen kúres», «Islam ǵylymhaly», «Din men Dil», «Imanı gúl» syndy eńbekteri oqyrmannyń qyzý suranysyna ıe qundy kitaptar», - delingen baspasóz aıǵaǵynda.
Bas múftıdiń birinshi orynbasary jańa qyzmetin «Áziret Sultan» meshitiniń bas ımamdyǵymen qatar atqaratyn bolady.
