Bas múftı Túrkistan oblysyndaǵy ımamdardan aqsha jınaý daýyna pikir bildirdi

ASTANA. KAZINFORM – Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Túrkistan oblysyna jasaǵan sapary kezinde jergilikti ımamdardan aqsha jınatty degen málimet týraly pikir bildirdi.

«Ol másele boıynsha qazir jumys júrip jatyr. Arnaıy komıssııa baryp, tekseredi. Keıin sonyń qorytyndysyn jarııalap aıtamyz. Ol jóninde Túrkistan oblysynyń bas ımamy aqparat betterinde óziniń jaýabyn aıtty. Degenmen, biz múftııattan arnaıy komıssııa jiberip, ol aqparattyń aq qarasyn anyqtaımyz», - dedi Naýryzbaı qajy Taǵanuly Álemdik jáne dástúrli dinder kóshbasshylary sezi hatshylyǵynyń HHІІ otyrysynan keıin. 

Múftı óz basy eshkimge issaparǵa baılanysty aqsha jınaý týraly nusqaý, tapsyrma bermegenin aıtady.

«Alla saqtasyn! Ondaı bolmaıdy da, bolmaǵan da», - dedi QMDB tóraǵasy.