Bas múftı túlekterdi qyzmetke bóldi
ASTANA. 18 sáýir. QazAqparat - Jyl saıynǵy qalyptasqan dástúrge saı, Qazaqstan musylmandary dinı basqarmasynyń tóraǵasy, Bas múftı, sheıh Ábsattar qajy Derbisáli Almatydaǵy «Nur Múbarak» Egıpet Islam mádenıeti ýnıversıteti túlekterin jeke qabyldap, jer-jerdegi meshitter men medreselerge qyzmetke bóldi.
QMDB málimetinshe, ýnıversıtet ashylǵannan bastap, onda osy kúnge deıin tek ıslamtaný mamandyǵy boıynsha 262 adam bitirse, búginde olardyń biri ustaz, biri ımam. Al bıylǵy bitirýshilerdiń sany - 47.
«Imam bolý - saýapty da, jaýapty qyzmet. Alla taǵala siz ben bizdi din qyzmetkeri bolýdy qalaǵannan keıin osy jolda aıanbaı ter tógýimiz kerek. Eldi birlikke, bilim men izgilikke, ımandylyqqa shaqyrý - bizge júktelgen zor mindet. Osy mindetti Alla men adamdardyń aldynda abyroımen atqarýdy násip etkeı», - dedi Bas múftı.
Sheıh Ábsattar qajy Derbisáli bolashaq ımamdardy qazaq topyraǵynan shyqqan, Islamdy qabyldap qana qoımaı, asyl dinimizdi baıyta túsken babalarymyzdyń rýhanı murasyn zerttep, zerdelep, ony halyqqa nasıhattaýǵa shaqyrdy.
