Bas múftı Syr boıyna kelmek
ASTANA. 18 jeltoqsan. QazAqparat - Qyzylordada ımamdar bıyl atqarǵan jumystary týraly esep berdi. Olar oblystyń bas ımamy Talǵat Omarovqa meshitterdiń tazalyǵy, jóndeý jumystary, shákirtterdi oqytý jaıyn baıandady.
Bul týraly kyzylorda-news.kz saıtynan habarlady.
«Ózge aǵymdardyń jeteginde ketpeýi úshin qandastarymyzǵa jol kórsetý - din qyzmetkerleriniń aldyndaǵy úlken mindet. Osyndaı baýyrlarymyzdyń shyrmaýdan shyǵýyna jumys jasaǵanyn Qazalynyń bas ımamy aıtqan kezde qýanyp qaldyq», - deıdi ortalyq «Aqmeshit-Syrdarııa» meshitiniń baspasóz hatshysy Ásel Eskendir.
Imamdar sondaı-aq mekemeler men mektepterdi aralap, nasıhat jumystaryn jandandyrýda. Aqparat quraldarynda oı salarlyq, kókeıge qonymdy materıaldar jarııalap turady. Osy oraıda Aral, Qazaly, Jańaqorǵan, Jalaǵash aýdandary ımamdarynyń belsendiligi basym. Úlgili ımamdarǵa jýyrda jumys saparymen Syr eline keletin bas múftı Erjan qajy Malǵajyuly alǵys hat tabystamaq.
