Bas múftı: Oraza aıt - otbasylyq mereke
«Barshańyzdy kúlli musylman úmbetiniń ulyq merekesi - oraza aıtpen quttyqtaımyn. Ár otbasyna baq pen bereke, birlik pen ıgilik tileımin. Alla Taǵala otyz kún tutqan orazamyzdy, jasaǵan qulshylyq-ǵıbadatymyzdy, bergen sadaqymyzdy, barsha ıgi ımalymyzdy qabyl etip, mol saýaptan jazǵaı! «Aıt» sózi - «merekeleý», «hal surasý», «bir-birin qýantý», «qýanyshqa toptalý», «qarymta» degen maǵynalardy bildiredi. Alla Taǵala barsha otbasyna bereketin jaýdyryp, qasıetti ramazan aıynda yjdahattylyqpen aýyz bekitken jamaǵattyń qýanyshyn arttyrǵaı!», - delingen Bas múftıdiń quttyqtaýynda.
Sondaı-aq, Serikbaı qajy Oraz Oraza jabyrqaǵan jandy demep, qarııalardy qýanyshqa bólep, kómekke muqtaj adamnyń alǵysy men batasyn alý - ol da saýapty amaldyń biri ekendigin atap aıtty.
«Oraza aıt - otbasylyq mereke. Meıram kúni ata-anamyzǵa, kishkentaı búldirshinderge, aǵaıyn-týystarǵa syılyq úlestirip, olardy qýanyshqa bóleý - merekeniń sánin arttyra túsetin ıgi is. Jabyrqaǵan jandy demep, qarııalardy qýanyshqa bólep, kómekke muqtaj adamnyń alǵysy men batasyn alý - ol da saýapty amaldyń biri», - dedi Bas múftı.
