Bas múftı Mysyr mınıstrimen kezdesti
ASTANA. 29 mamyr. QazAqparat - Qazaqstan musylmandary dinı basqarmasynyń tóraǵasy Erjan qajy Malǵajyulynyń Egıpet Arab Respýblıkasyna jasaǵan sapary kezinde Ýaqyptar mınıstri Talaat Afıfı Salımmen kezdesti.
Bul týraly QMDB baspasóz qyzmetinen habarlandy.
Din janashyrlary musylman álemindegi dinı ahýaldy turaqtandyrýdyń alǵysharty - halyqty jappaı saýattandyrý máselelerin talqylady. Sonymen qatar dinı basqarmalar arasyndaǵy áriptestik baılanysty kúsheıtý joldary sóz boldy.
«Alla taǵala Quranda jaqsy, ıgi isterde bir-birimizge kómekshi bolýǵa buıyrdy. Bizdi ulyq maqsattar ǵana biriktiredi. Dinı saladaǵy baılanysymyz arta bererine senemin», - dedi Bas múftı júzdesý barysynda.
Mınıstr Talaat Afıfı Salım Kaır qalasyndaǵy Beıbarys babamyzdyń meshitinde júrgizilip jatqan qaıta jóndeý jumystary jaıly habardar etti. Sondaı-aq ol Bas múftıdi jańa qyzmetimen quttyqtap, Mysyr musylmandary Erjan qajy Malǵajyulynyń ál-Azhar ýnıversıtetiniń túlegi bolǵanyn maqtanysh tutatynyn aıtty.
