Bas múftı «Múftııat úzdigi – 2025» is-sharasynyń marapattaý rásimine qatysty

ASTANA. KAZINFORM – Qazaqstan musylmandary dinı basqarmasynyń qorytyndy Tóralqa májilisi barysynda «Múftııat úzdigi – 2025» nomınatsııasymen marapattaý rásimi ótti. Bul týraly muftyat.kz habarlady. 

Saltanatty is-sharaǵa Bas múftı Naýryzbaı qajy Taǵanuly arnaıy qatysyp, nomınatsııa ıegerlerin marapattady.

– Búgingi mereıtoı – Dinı basqarmanyń ǵana emes, kúlli musylman jamaǵatynyń ortaq qýanyshy. Bul – ımandylyqtyń, izgiliktiń, el birliginiń merekesi. Alla Taǵala osy qara shańyraqtyń irgesin berik, órisin keń etsin. Barsha din qyzmetkerlerine, osy jolda eńbek etip júrgen áriptesterge Alla razy bolsyn. Búgin «Múftııat úzdigi» atanyp jatqan barsha baýyrlarymdy, áriptesterimdi shyn júrekten quttyqtaımyn. Bul – jyldar boıy jasaǵan jumystaryńyzdyń jemisi dep sanaımyn. Eń bastysy Allanyń marapatyna ıe bolýdy jazǵaı. Elimiz aman, jurtymyz tynysh, Táýelsizdigimiz tuǵyrly bolǵaı. Alla Taǵala Dinı basqarmanyń qyzmetine bereke berip, halqymyzdyń rýhanı damýyna mol ıgilik násip etsin, - dedi QMDB tóraǵasy. 

Foto: muftyat.kz

Aıta keteıik, Qazaqstan musylmandary dinı basqarmasynyń 35 jyldyq mereıtoıyna oraı 35 nomınatsııasy boıynsha úzdikter marapattaldy.

1. «Úzdik qala ımamy» – Omarov Nurseıit Ábdimútáliuly. Pavlodar oblysy, «Ekibastuz» qalalyq meshitiniń bas ımamy
2. «Úzdik aýdan ımamy» – Erimbet Edilbek Talqanbaıuly. Jetisý oblysy, Kóksý aýdandyq "Balpyq bı" meshitiniń bas ımamy.
3. «Úzdik aýyl ımamy» – Ahmet Berik Hamıtuly. Qostanaı oblysy, Qostanaı aýdany, Altyn dala aýylynyń moldasy
4. «Úzdik naıb ımam» – Humar Qonyskereı. Qaraǵandy oblystyq «Ánet baba» meshitinde birinshi naıb ımamy
5. «Úzdik meshit azanshysy» – Meıirbek Qýanǵalı Sadyqov. ShQO Marqakól meshitiniń azanshysy
6. «Úzdik ardager ımam» – Rysbaı Daırabaı Serikbaıuly. Qyzylorda oblystyq «Aqmeshit-Syrdarııa» meshitiniń ustazy
7. «Jyl ýaǵyzshysy» – Asga ıÝnýs Qadyrqululy. Mańǵystaý oblysy, Túpqaraǵan aýdany, Aqshuqyr meshitiniń ımamy
8. «Úzdik ońaltýshy» – Qabdysalym Raqymqazy. Astana qalasy, «Áziret Sultan» meshitiniń ustazy
9. «Úzdik ustaz» – Ákimov Rınat Nurlanuly. BQO, Oral qalasy, «Tájıden Batyruly» meshitiniń ustazy
10. «Úzdik ustaz» – Ábıeva Eńlik Muratqyzy. «Túrkistan-Ahmet ıAssaýı» ortalyq meshitiniń ustazy
11. «Úzdik aýyl meshiti» – Almaty oblysy, Talǵar aýdany, «Dostyq» aýyldyq meshiti
12. «Úzdik aýdan meshiti» – Jambyl oblysy, Qordaı aýdandyq meshiti
13. «Úzdik qala meshiti» – Aqmola oblysy, Etekbaı molda meshiti
14. «Úzdik meshit tazalyqshysy» – Tóleýqyzy Aıjan. Abaı oblysy, Úrjar aýdandyq meshitiniń tazalyqshysy
15. «Úzdik esepshi» – Eńsepov Ahmetjan. Atyraý oblysy ókildiginiń bas esepshisi
16. «Úzdik dinı saıt» – Nurgasyr.kz saıty (Aqtóbe oblystyq ókildigi)
17. «Úzdik áleýmettik jelidegi paraqsha» – @nur_mubarak.meshyty ınstagram paraqshasy (Nur-Múbárak meshiti, Almaty qalasy)
18. «Úzdik pátýa mamany» – Shuǵaı ıÝsúpbek. Qaraǵandy oblysy
19. «Úzdik qajylyq gıdi» – Baımenov Ábilqaıyr ıAkovuly. Almaty oblysy, Talǵar aýdany, Besqaınar meshitiniń ımamy
20. «Úzdik Nur-Múbárak ustazy» – Esimqulov Ernar Nurmanbetuly. «Dintaný» kafedrasynyń aǵa oqytýshysy
21. «Nur-Múbárak úzdik shákirti» – Ospanov Aıbar Jankeldiuly. «Islamtaný» mamandyǵynyń 4-kýrs stýdenti
22. «Úzdik ınstıtýt ustazy» – Manabaev Baǵdat Mahanuly. «Hýsamýddın as-Syǵanaqı ıslam ınstıtýty»
23. «Úzdik medrese ustazy» – Sarekeev Ómirbek Qoǵambekuly. Shymkent medrese-kolledji
24. «Medrese úzdik shákirti» – Aıýbaı Nurmuhammed Kóptileýuly. Astana medrese-kolledjiniń shákirti
25. «Úzdik qarılar ortalyǵy» – Almaty qalasy, «Kók Tóbe» qarılar daı̆yndaý ortalyǵy
26. «Úzdik qarı ustaz» – Kamıljan qarı Sadyqov. Shymkent qalasy
27. «Úzdik halal kásiporyn» – «Sarybas» shujyq óndirisi (Jambyl oblysy)
28. «Ýaqyp úzdigi» – Esengeldıev Eraly. Shymkent qalalyq ókildigi
29. «Úzdik Qamqor Sharapat ortalyǵy» – Orazov Ǵınııat Ǵabdyqadyruly (Astana qalasy)
30. «Úzdik zeket qyzmetkeri» – Túsipbekov Asylhan. Qaraǵandy oblystyq ókildigi
31. «Úzdik televızııalyq joba» – «Imamnyń bir kúni» baǵdarlamasy. Avtory: Merýert Nurqasym (Almaty qalasy)
32. «Úzdik is basqarýshy» – Turlybekov Álimhan Nurmahanuly. Túrkistan oblysy
33. «Úzdik múftııat qyzmetkeri» – Nurbek Áýeshanuly Esmaǵanbet. QMDB Din men dástúr bóliminiń meńgerýshisi
34. «Tórt baǵyt úzdigi» – Almaty qalalyq ókildigi
35. «Úzdik ókildik» – Astana qalalyq ókildigi

Eske sala keteıik, buǵan deıin Qazaqstanda Islam qarjysy jónindegi halyqaralyq keńes qurylǵanyn jazǵan edik.