Bas múftı Qazaqstan musylmandaryn Ramazan aıynyń bastalýymen quttyqtady
ALMATY. 16 shilde. QazAqparat - Búgin Almatyda Qazaqstan musylmandary dinı basqarmasy jáne Ortalyq Azııa múftıler keńesiniń tóraǵasy, Bas múftı, sheıh Ábsattar qajy Derbisáli ısi musylman jurtshylyqty qasıetti Ramazan aıynyń bastalýymen quttyqtady.
«Aldaǵy juma, 20 shilde kúni búkil álem musylmandary qasıetti Ramazan aıyn qarsy alyp, aýyz bekitedi. Solar sekildi bizdiń otandastarymyz da osy qasıetti aıda aýyz bekitedi. Bıylǵy jylǵy Ramazan aıy 30 kún. 20 shildeden 18 tamyzǵa deıin sozylady, al 19 tamyz - aıt kúni. Jylda oraza 29 kún bolatyn. Oraza bul musylman balasyna paryz. Bálıǵat jasyna jetken adam oraza ustaýy kerek», - dedi Ábsattar qajy.
Bas múftıdiń aıtýynsha, buryn Qasıetti aıdy aıdyń týýy men tolýyna qaraı kózben anyqtaıtyn. Qazir Ramazan aıyn astronomdar anyqtaıdy. Sondaı-aq Túrkııa sııaqty elderdiń Dinı basqarmasynda arnaıy bólim jumys jasaıdy. Aı kúntizbesi boıynsha bir jylda 354 kún bolsa, kún kúntizbesi boıynsha 165 kún. Musylmandar dinı joralǵylardy aı kúntizbesi boıynsha oryndaıdy.
