Bas múftı Kanadanyń elshisimen júzdesti
ASTANA. 23 qańtar. QazAqparat - Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly Kanadanyń Qazaqstandaǵy Tótenshe jáne ókiletti elshisi Stıven Mıllarmen kezdesti.
Bul týraly QMDB baspasóz qyzmetinen habarlady.
Bas múftı elshige dinı kadr daıyndaý barysy, ýaǵyz-nasıhat, meshitter men medreselerdegi oqý-aǵartý jumystary týraly baıandap berdi. Erjan qajy Malǵajyuly elimizde turaqty ótip kele jatqan álemdik jáne dástúrli din kóshbasshylary seziniń dinaralyq tatýlyqty qalyptastyrýdaǵy róli men mańyzyn sóz etti. Sonymen qatar, Dinı basqarma 2014 jyldy «Din men dástúr» jyly dep jarııalaǵanyn jetkizip, osy baǵytta atqarylar aýqymdy sharalarmen bólisti. Bas múftı Stıven Mıllardy barshaǵa ortaq bolǵan máseleler tóńireginde oı bólisýge, adamzatty alańdatqan túıtkilge birlese tosqaýyl qoıýǵa shaqyrdy.
Elshi Qazaqstan men Kanada elderi arasyndaǵy yntymaqtastyq qarym-qatynas pen qos memlekettiń ortaq múddelestigi týraly áńgimeledi.
Taraptar órkenıetter arasyndaǵy dinı tatýlyqty nyǵaıtýdyń ózektiligi jaıly áńgime órbitti.
