Bas múftı ıslamtanýshy túlekterdi qyzmetke bóldi
ASTANA. 22 mamyr. QazAqparat - Qazaqstan musylmandary dinı basqarmasynyń tóraǵasy Erjan qajy Malǵajyuly Nur-Múbarak Egıpet ıslam mádenıeti ýnıversıtetin «Islamtaný» mamandyǵy boıynsha 2013 jyly bitiretin stýdentterdi qyzmetke bóldi.
Bul týraly QMDB-nyń baspasóz qyzmetinen habarlandy.
Bıyl osy ýnıversıtetti 48 shákirt bitiredi. Bas múftı túlekterdi jeke-jeke qabyldap, bolashaq ımamdardyń, meshit ustazdarynyń josparlarymen tanysyp, oı-pikirlerin tyńdady. Oqýyn jalǵastyrý maqsatynda magıstratýraǵa tússem degen nıet bildirgenderge de aq jol tiledi.
«Sizder eki dúnıede de jaýapkershiligi mol mamandyqty tańdadyńyzdar. Dinge, halyqqa qyzmet etýden asqan abyroı joq. Alla taǵala súıgen quldaryn dinniń janashyry etip qoıady. «Men asyl dinim Islamdy qaıtip halyqtyń júregine jetkizem, memleketimniń rýhanı damýyna qandaı úlesimdi qosamyn?» - degen saýaldar árdaıym sanalaryńyzdy mazalap turýy tıis. Qurmetti shákirtter, halqymyzdyń saýatyn ashýǵa tikeleı biz jaýaptymyz. Sondyqtan eldiń, Elbasynyń senimin aqtap, din jolynda tabandylyq tanytyp, qajymaı qyzmet etýimiz kerek», - dedi Erjan qajy Malǵajyuly.
Bas múftı túlekterge sáttilik tilep, duǵa jasady.
