Bas múftı atynan qurban shalyndy
ASTANA. QazAqparat - Ulyq meıram qarsańynda Qazaqstan Musylmandary dinı basqarmasy Almatydaǵy ordasyn Astanaǵa aýystyrdy. Elordaǵa qonys aýdarǵan múftııat Qurban aıt meıramnyń ekinshi kúni qurbandyq shaldy.
Keshe Bas múftı Erjan qajy Malǵajyuly arnaıy «Altyn taǵa» mal bazaryna baryp, qurban shalyp, Astana jurtshylyǵyna qudaıy as berdi. Kópshilikke jaıylǵan dastarhan basynda eki jyldan beri ıgi dástúrge aınalyp úlgergen «Rabbyń úshin qurbandyq shal» aktsııasy jaıly, osy aktsııanyń arqasynda qamqorlyq kórgen otbasylar týraly taǵylymdy áńgime aıtyldy. Bas múftı alysty jaqyn etetin, týystar arasyndaǵy meıirim, mahabbaty molaıtatyn osyndaı is-sharalardy kóbeıtetinin aıtty.
«Búgin - Qurban aıttyń ekinshi kúni. Jalpy Astana qalasy boıynsha qurbandyq 6 jerde shalynyp jatyr. Arnaıy mal soıatyn oryndarda.búgin osy bazardyń ózinde, 70-ten asa iri qara shalyndy. Árıne, bul - halyqtyń jaǵdaıynyń kúnnen kúnge jaqsaryp kele jatqanynyń belgisi. Halqymyzdyń jappaı ımandylyqqa bet buryp jatqanyn bildiredi. Allaǵa shúkir, táýelsizdigimiz árýaqytta baıandy bolsyn.elimiz-jurtymyz aman bolsyn!» - dep tilegin bildirdi óz sózinde E. Malǵajyuly.
