Bas múftı Astanadaǵy medirese túlekterin qyzmetke bóldi
ASTANA. 28 mamyr. QazAqparat - Búgin Qazaqstan musylmandary dinı basqarmasy jáne Ortalyq Azııa múftıler keńesiniń tóraǵasy, Bas múftı, sheıh Ábsattar qajy Derbisáli Astana qalasyndaǵy Astana medresesin bitirýshi shákirtterdi qyzmetke bóldi.
Bul jaıynda QMDB saıtynda jarııalanǵan.
QMDB-na qarasty ıslamı oqý ordasynyń «Islamtaný» mamandyǵy boıynsha bıyl 18 shákirt bilim nárimen sýsyndady. Qazirgi zamanǵy tehnologııalarmen jabdyqtalǵan, bilim alýǵa jan-jaqty jaǵdaı jasalǵan medreseden túlep ushqaly otyrǵan shákirtter jer-jerdegi meshitterge qyzmetke taǵaıyndaldy. «Dinbasy bolashaq din qyzmetkerlerine batasyn berip, shákirtterdi dinge adal qyzmet etýge shaqyrdy. Sondaı-aq, Astana shákirtterine Almaty qalasy ortalyq meshitiniń bas ımamy Q.Mahanbet, Qajylar qaýymdastyǵynyń tóraǵasy E.Dýanaev ta ózderiniń izgi tilekterin bildirdi»,-delingen QMDB habarlamasynda.
