Bas múftı Almatyda zııaly qaýym ókilderine aýyzashar berdi

ALMATY. QazAqparat - Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Almatyda zııaly qaýym ókilderine, túrli sala qyzmetkerlerine, sondaı-aq qarttar jáne balalar úıindegi jandarǵa arnaıy aýyzashar berdi. Bul týraly dinı basqarmasynyń baspasóz hatshysy Aǵabek Qonarbaıuly Facebook paraqshasynda jazdy, dep habarlaıdy QazAqparat tilshisi.

Bas múftı aýyzasharda jurtty Ramazan aıynyń kelýimen quttyqtap, saýapty amaldardy jasaýǵa shaqyrdy.

«Berekeli aıda kóbirek saýapty amal jasaýǵa asyǵaıyq. Ata-anamyzdyń, qazynaly qarttarymyzdyń duǵasy men alǵysyn alýǵa tyrysaıyq. Múmkindikke qaraı muqtaj jandarǵa qol ushyn berip, naýqastyń kóńilin surap, saýap alaıyq», - dedi Naýryzbaı qajy Taǵanuly.

Aǵabek Qonarbaıulynyń málimetinshe, óz kezeginde quttyqtaý sóz kezegin alǵan aqsaqaldar men zııaly qaýym ókilderi bas múftıge alǵys bildirip, dinı basqarmanyń ıgi bastamalaryna sáttilik tiledi.

«Aýyzashar dastarqanynda termeler oryndalyp, jas talanttardan quralǵan bir top jigitter zamanaýı dástúr úrdisimen jarapazan jyryn aıtty. Sonymen qatar bas múftı Naýryzbaı qajy Taǵanuly aqsaqaldar men aq jaýlyqty analarǵa jáne balalarǵa arnaıy ramazan syıyn tabystady», - dep jazdy Aǵabek Qonarbaıuly.