Bas múftı Ábsattar qajy Derbisáli Uly Otan soǵysy kezinde qaza tapqan qazaq jaýyngerlerin eske alyp, sheıit duǵasyn oqıdy
ASTANA. Mamyrdyń 9-y. QazAqparat - Uly Jeńis meıramy kúni qasıetti Mekkede Qazaqstan musylmandary dinı basqarmasynyń Tóraǵasy, Bas múftı Ábsattar qajy Derbisáli Uly Otan soǵysy kezinde mert bolyp,
shet elderde jerlengen qazaq jaýyngerlerin eske alyp, sheıit duǵasyn oqıdy. Islam dinindegi bul kóne salt-dástúr Muhammed paıǵambarymyzdyń dáýirinen bastaý alady, ony «ǵaıyp namazy» dep ataıdy.
Sonymen qatar osy sapar barysynda Bas múftı Ábsattar qajy Derbisáli Saýd Arabııasy Koroldiginiń Qajylyq mınıstri Fýad ben Abdel Salam ál-Farısımen kezdesip, aldaǵy qarasha aıynda bolatyn qajylyqqa keletin qazaqstandyq musylmandardyń Mekke men Medınede júrip-turýyn uıymdastyryp ótkizý týraly ekijaqty kelisimshartqa qol qoıady, dep habarlady Qazaqstannyń Saýd Arabstany Koroldigindegi Elshiligi.
