Bas meshitke «Nursultan meshiti» ataýy berildi
ASTANA. KAZINFORM — Qazaqstan musylmandary dinı basqarmasy respýblıkalyq Bas meshitke «Nursultan meshiti» ataýy berilgenin habarlady.
— Qurmetti qaýym! Osyǵan baılanysty jańa ataý resmı qoldanysqa engiziledi. Respýblıkalyq Bas meshit — elordanyń ǵana emes, barsha Qazaqstan musylman jamaǵatynyń ortaq rýhanı ordasy. Meshit halyq birligin nyǵaıtýǵa, beıbitshilik pen kelisimdi dáripteýge, izgilik pen meıirimdilik qundylyqtaryn nasıhattaýǵa, sondaı-aq ımandylyq pen adamgershilikke negizdelgen ıgi bastamalardy qoldaýǵa qyzmet etip keledi, — delingen habarlamada.
Dinı basqarmanyń málimetinshe, jańa ataýmen respýblıkalyq Bas meshit aldaǵy ýaqytta da halqymyzdyń rýhanı ómirine qyzmet etip, qoǵamdaǵy birlik pen yntymaqty nyǵaıtýǵa, dástúrli rýhanı qundylyqtardy saqtaýǵa jáne ıgi bastamalardy damytýǵa úles qosa beredi.
