Bas memlekettik sanıtarııalyq dárigerdiń ókilettikteri keńeıtilmek
ASTANA. KAZINFORM — 2026 jylǵy 1 aqpannan bastap bas memlekettik sanıtarııalyq dárigerlerdiń ókilettikteri keńeıtiletini belgili boldy. Bul týraly Sanıtarııalyq-epıdemıologııalyq baqylaý komıtetiniń baspasóz qyzmeti habarlady.
Vedomstvo málimetine sáıkes, olar buzýshylyqtardyń sebepterin joıý jóninde jeke usynymdardy jergilikti atqarýshy organdarǵa jáne bıýdjettik baǵdarlamalardyń ákimshileri sanalatyn memlekettik organdarǵa joldaý quqyǵyna ıe bolady.
Sondaı-aq buzýshylyqtardyń júıeli sebepterin joıý úshin sharalar qabyldaýdy talap ete alady.
— Bul ókilettikter balalar mekemelerinde jáne áleýmettik sala uıymdarynda anyqtalǵan qaýip-qaterlerge jedel áreket etýge múmkindik beredi, — delingen komıtet habarlamasynda.
Budan buryn sanıtarııalyq qyzmet mamandarynyń biliktilik júıesine engizilgen ózgerister kúshine engenin jazdyq.