Bas memlekettik sanıtarlyq dáriger qazaqstandyqtarǵa alǵys aıtty
«Sońǵy eki aptada elimiz boıynsha jaǵdaı turaqtalǵany kórinip tur. Aýrýǵa shaldyǵýdyń ósimi 7 paıyzdan aspaıdy. Eger naýryzda ınfektsııany juqtyrý baılanysta bolǵan adamdar men syrttan kelgender arasynan tirkelse, sáýirde profılaktıkalyq testileýge kóshtik. Sáýir aıynda tirkelgen barlyq oqıǵalardyń 52 paıyzy nemese 1862 jaǵdaı profılaktıkalyq testileýmen baılanysty boldy», - dedi A. Esmaǵambetova.
Onyń sózine qaraǵanda, profılaktıkalyq testileýdiń maqsaty – ol jasyryn oshaqtardy aıqyndaý. Eger osy testileý bolmasa, onda indet juqtyrǵandarmen baılanysta bolǵandar sany artyp, koronavırýsqa shaldyqqandar sany óser edi.
«Profılaktıkalyq testileý nátıjesi tıisti jumysty júrgizýdiń mańyzdylyǵy men qajetin baıqatyp otyr. Jalpy, karantındik sharalar óziniń nátıjesin berdi. Eki aptanyń barysynda turaqty epıdemıologııalyq jaǵdaıdy tirkedik. Karantın talaptaryn saqtaý boıynsha Densaýlyq saqtaý mınıstrligi nusqaýlaryn oryndaǵan ár qazaqstandyqqa alǵys aıtqym keledi», - dedi Qazaqstannyń bas memlekettik sanıtarlyq dárigeri.