Bas memlekettik sanıtar dáriger otbasylyq sharalardy ótkizýge qatysty túsinik berdi

NUR-SULTAN. QazAqparat – QR Bas memlekettik sanıtar dárigeri Aıjan Esmaǵambetova ujymdyq sharalardy ótkizý múmkindigine qatysty pikir bildirdi, dep habarlaıdy QazAqparat tilshisi.

«Ókinishke qaraı, búginde otbasylyq meıramdardy, ıaǵnı adamdar kóptep jınalatyn kez kelgen sharalardy ótkizýge tyıym salynǵan», - dedi A. Esmaǵambetova onlaın baspasóz máslıhatynda.

Osy oraıda ol 30 adamǵa deıin orynǵa eseptelgen nysyndardyń jumysy jandanǵanyn, ekinshi kezeńde 50 orynǵa deıin ruqsat etilgenin eske saldy. Alaıda ujymdyq sharalardy ótkizýge tyıym salynǵan.

«Ázirge, qazirgi epıdemıologııalyq jaǵdaı kez kelgen sharany ótkizýge ruqsat etýge múmkindik bermeı tur. ıAǵnı, uzaq ýaqyt bir orynda adamdardyń jınalýyna arnalǵan oıyn-saýyq, mádenı-otbasylyq nemese ádet-ǵuryp sharalaryn uıymdastyrýǵa múmkin emes. Barlyq jeńildikter epıdemıologııalyq jaǵdaıǵa baılanysty. Atap aıtqanda, turǵyndardyń ózderi qatysty bolyp otyr», - dedi A. Esmaǵambetova.

Budan buryn habarlanǵandaı, 25 mamyrdan elordada 50 oryndyq dámhanalar jumysyn bastady. Degenmen, ujymdyq is-sharalar ótkizýge jáne banket pen saltanatty zaldardyń jumysyna tyıym salynady.