Bas qalany órkendetý jolynda tógilgen mańdaı ter Elbasyǵa tıesili - Baqyt Saraı

NUR-SULTAN. QazAqparat - Bas qala tipti qalyptaspaı jatyp, oǵan sengen bireý bolsa, ol - Elbasy. «QazAlıans» qoǵamdyq birlestiginiń Mońǵolııadaǵy ókili, Mońǵolııa Qazaq jastary odaǵynyń tóraıymy Baqyt Saraı osylaı deıdi, dep habarlaıdy QazAqparat.

«Búgin Astananyń Nur-Sultan atalýy jóninde jarlyq shyqty. Óz basym, bul ózgeristi qoldaımyn jáne kózqarasy ortaqtardy quttyqtaımyn. Bas qala tipti qalyptaspaı jatyp, oǵan sengen bireý bolsa, ol - Elbasy. Sonyń jaıqalýy, órkendeýi jolynda mańdaı ter de soǵan tıesili. Endeshe, eńbektiń jemisin kóre turyp, laıyq adamǵa laıyq qurmet kórsetýden bas tartýdy, shyny kerek, túsinbeımin. Jeke azamattyq pozıtsııamdy aıtar bolsam, qoldaımyn. Kemeńger saıasaty, ákelik qamqorlyǵy úshin alǵysym sheksiz», - deıdi «QazAlıans» qoǵamdyq birlestiginiń Mońǵolııadaǵy ókili, Mońǵolııa Qazaq jastary odaǵynyń tóraıymy Baqyt Saraı.