Bas hatshy barlyq elderdi Qazaqstannan úlgi alýǵa shaqyrady - respýblıkalyq basylymdarǵa sholý

***

«Aıqyn» gazetiniń jazýynsha, Birikken Ulttar Uıymy óz qurylymdaryn Araldy qalpyna keltirýge jumyldyratyn bolady. Bul málimdemesin jahandyq uıymnyń kóshbasshysy Pan Gı Mýn keshe, Aqorodada Elbasy Nursultan Nazarbaevpen kezdesýi kezinde jasady. «Aral teńiziniń kórinisi meni eseńgiretip jiberdi. Ekologııalyq apattyń osynsha óris alýy metti qatty qaıran qaldyrdy», depti mártebeli meıman óz sózinde. Bul oraıda ol qazaq eliniń Araldy qutqarýda kóp is tyndyrǵanyn atap ótken. Óz kezeginde Memleket basshysy N.Nazarbaev Qazaqstannyń BUU ıdealdaryn ustanatyndyǵyn málimdegen. «Sizdi biz álem úshin, qarýsyzdaný úshin kóp eńbek sińirgen adam ári bizdiń elimizdiń dosy retinde tanımyz. Sizge eń aldymen, Aralda da, Semeı polıgonynda da bolyp, halqymyz bastan keshken apatty óz kózińizben kórgenińizge alǵysymyzdy bildiremiz. Bular - bizdi qatty alańdatatyn, jahandyq aýqymdaǵy ekologııalyq apattar. Bul - búkil tarıhtaǵy BUU Bas hatshysynyń osy qasiretti nysandarǵa jasaǵan tuńǵysh sapary!», depti Memleket basshysy. «Bas hatshy barlyq elderdi Qazaqstannan úlgi alýǵa shaqyrady» degen taqyryppen berilgen maqalanyń tolyq nusqasyn basylymnyń beısenbilik nómirinen, sondaı-aq «Kazahstanskaıa pravda», «Lıter», «Ekspress K», «Izvestııa» gazetterinen de oqı alasyzdar.

«Ýkraınanyń jańadan saılanǵan Prezıdenti Vıktor ıAnýkovıch keshe keshkisin resmı saparmen Qazaqstanǵa keldi», dep jazady «Aıqyn» gazeti. Astana áýejaıynda Ýkraına prezıdentin EQYU-nyń Іsbasyndaǵy tóraǵasy, Memlekettik hatshy - Syrtqy ister mınıstri Qanat Saýdabaev pen Munaı jáne gaz mınıstri Saýat Myńbaev qarsy alǵan. V.ıAnýkovıchtiń sapary barysynda eki jaqty qarym-qatynas, gaz jáne basqa da máseleler talqylanbaq.

Ýkraına prezıdentiniń elimizdegi alǵashqy saparyna oraı «Astana aqshamy» gazetinde de «Ýkraınamen ýaǵdalastyq» degen taqyryppen maqala basyldy. «Búgin Aqordada Qazaqstan men Ýkraına arasyndaǵy joǵary deńgeıdegi kelissózderdiń qorytyndysy boıynsha Nursultan Nazarbaev pen Vıktor ıAnýkovıch birlesken málimdemege, sondaı-aq Qazaqstan men Ýkraına arasyndaǵy 2010-2011 jyldarǵa arnalǵan «Jol kartasy - 3» is-qımyl josparyna qol qoıdy. Sondaı-aq Qazaqstannyń Memlekettik hatshysy - Syrtqy ister mınıstri Qanat Saýdabaev pen Ýkraınanyń Syrtqy ister mınıstri Konstantın Grıshenko 2000 jylǵy mamyrdyń 19-yndaǵy Qazaqstan Úkimeti men Ýkraına Mınıstrler Kabıneti arasyndaǵy azamattardyń ózara saparlary týraly kelisimge ózgerister men tolyqtyrýlar engizý týraly hattamaǵa qol qoıdy», dep jazady basylym.

Mártebeli meımannyń elimizge jasaǵan sapary jaıynda egjeı-tegjeıli oqyp, bilgińiz kelse «Kazahstanskaıa pravda», «Lıter», «Ekspress K», «Izvestııa» basylymdarynyń da beısenbilik nómirine nazar aýdaryńyz.

Ataqty kınorejısser Tımýr Bekmambetov aldaǵy jazda Máskeýde «Eń qarańǵy saǵat» atty fantastıkalyq fılm túsirmek. Fılmniń basty róliniń birin 23 jastaǵy amerıkandyq akter Olıvııa Tırlbı oınaıdy. «Aıqyn» gazetiniń jazýynsha, kartınanyń negizin jasaǵan stsenarııshiler - Krıs Gorah pen Djosha Zetýmer. Fılm oqıǵasy amerıkandyq týrıster Reseıdiń astanasyna kelgende aıaq astynan atysqa tap bolýynan órbıdi. Bas keıipker Tırlbı alǵashqy sátte tiri qalýdy oılasa, keıin ózine shabýyl jasaǵan basqa ǵalamshardan kelgen kelimsekterge qarsylyq kórsetip, toıtarys beredi.

***

«Samuryq-Qazyna» jyljymaıtyn múlik qory AQ elordadaǵy aıaqtalmaı qalǵan nysandardan satyp alǵan páterlerdi úlestiretininen burynnan habardar jurtshylyq bul turǵyn úılerdiń qandaı jolmen, kimderge beriletinin taǵatsyzdana kútip júrgendi. Kópshiliktiń kóńilin alańdatqan bul baspana baǵdarlamasynyń da bas-aıaǵy túgendelip, kúni keshe tártibi men negizgi sharttary jarııa etildi. Osyǵan oraı «Astana aqshamy» gazetiniń búgingi nómirinde «Baspana baǵdarlamasy baıyptaldy» degen taqyryppen maqala jarııalandy. Basylymnyń jazýynsha, sáýirdiń 12-sinen qujat qabyldaý bastalyp, alǵashqy kezekte 236 páter berilmek. Jaldamaly páterge qatysty jaıttarmen egjeı-tegjeıli tanysqyńyz kelse, gazettiń beısenbilik sanyna nazar salyńyz.

***

Al osy Astanada bastalǵan jalǵa páter berý jobasyna oraı maqala basqan «Nur Astana» gazetiniń jazýynsha, jalǵa beriletin alǵashqy páterler «Aq jaıyq» jáne «Ál Arqa» turǵyn úı keshenderinen berilmek. Ekonom-klass sanatyna jatqyzylatyn bul eki turǵyn úıden beriletin páterlerdiń sany - 236. Orta eseppen mundaǵy 1 sharshy metrdiń quny - 1330 teńge. «Bylaısha aıtqanda, naryqtaǵy baǵadan da joǵary. Onyń ústine jınaıtyn qujattardyń sany da az emes. Biraq jobanyń qanshalyqty sátti jasalǵanyna aldaǵy ýaqyt tóreshi», deıdi basylym.

Astana aspanyn ánge bóleıtin «Jas qanat» baıqaýy jaqyndap keledi. Sáýirdiń 16-18-i kúnderi elimizdiń ári aımaǵynan kelgen jas oryndaýshylar Kongress-Holl saraıynyń sahnasynda baıqaýdyń bas júldesi «Altyn qanat» úshin óner jarystyrmaq. Osyǵan oraı «Nur Astana» gazeti baıqaýǵa qatysatyn ónerpazdardyń birqatar óz oqyrmandaryna tanystyrýdy jón sanapty.

***

«Keshe Úkimet úıinde Qazaqstan Respýblıkasynyń Premer-Mınıstri Kárim Másimov halyqaralyq akademııalyq, ǵylymı jáne iskerlik jurtshylyqpen - Astananyń jańa ýnıversıtetiniń damý strategııasyn talqylaǵan halyqaralyq konferentsııa qatysýshylarymen kezdesti», dep jazady «Kazahstanskaıa pravda» gazeti QR Úkimetiniń baspasóz qyzmetine silteme jasap.

Kezdesý barysynda Astananyń jańa ýnıversıtetiniń damý strategııasy, sondaı-aq onyń halyqaralyq konsýltatıvtik keńesiniń jumysy týraly pikir alysylǵan. «Premer-Mınıstr Qazaqstan Astananyń jańa ýnıversıteti aldyńǵy qatardy álemdik joǵary oqý orny bolyp qalyptasýyna múddeli jáne Úkimet ony damytýǵa barynsha qoldaý kórsetýge ázir dep atap kórsetti. Ol sondaı-aq sheteldik áriptesterdi Qazaqstanmen belsendi yntymaqtasýǵa shaqyrdy», dep jazady basylym.

«Qyrǵyzstan densaýlyq saqtaý mınıstrliginiń málimetteri boıynsha, keshegi Bishkekte oryn alǵan tártipsizdik barysynda 17 adam qaza tapqan», dep jazady «Ekspress K» gazeti.

Olardyń basym bóligi oq tıip jaralanýy saldarynan mert bolǵan. Al jaraqat alǵandardyń ózi 142 adamǵa jetken. Zardap shekkenderge kómek kórsetý qyrǵyz astanasynyń ortalyǵyndaǵy tártipsizdiktiń, joldardyń jabyq bolýynyń, adamdardyń kóp shoǵyrlanýynyń saldarynan múmkin bolmaı otyrǵan kórinedi.

Osy oqıǵalardan keıin Qyrǵyzstanda tótenshe jaǵdaı engizilgen. Memleket basshysy apparatynyń jetekshisi Qanybek Joroev «Men Qurmanbek Bakıev, sondaı-aq apparattyń, prezıdent hatshylyǵynyń jáne úkimet apparatynyń birqatar jaýapty qyzmetkerleri jumys ornynda ekendigin málimdeımin. Eldegi tártipsizdik taıaý ári qysqa ýaqytta tártipke keltiriledi. Adamdardyń qaza bolýyna kinálilerdiń, sondaı-aq talan-tarajdy uıymdastyrýshylardyń barlyǵy jeke-jeke jaýapkershilikke tartylatyn bolady», dep málimdegen.