«Bas gomeopattyń» ekpeden bas tartý týraly ınternette taratylǵan aqparat shyndyqqa janaspaıdy
ASTANA. QazAqparat - Ózin Densaýlyq saqtaý jáne áleýmettik damý mınıstrliginiń bas gomeopaty retinde tanystyrǵan Marına Targakovanyń adamdarǵa ekpeden bas tartý týraly áleýmettik jeliler men messendjerler arqyly taratylǵan beınejazý túrindegi lektsııasy shyndyqqa saı kelmeıdi. Bul týraly QR Densaýlyq saqtaý jáne áleýmettik damý mınıstrliginiń baspasóz qyzmeti habarlady.
«Marına Targakova QR Densaýlyq saqtaý jáne áleýmettik damý mınıstrliginiń qyzmetkeri emes. QR Densaýlyq saqtaý jáne áleýmettik damý mınıstriniń «QR DSÁDM shtattan tys bas mamandarynyń tizimin bekitý týraly» buıryǵynda gomeopat joq», - dep habarlaıdy mınıstrlik.
Densaýlyq saqtaý mınıstrligi Qazaqstan azamattaryn mundaı málimdemelerge nazar aýdarmaýǵa shaqyrady. Búgingi kúni halyqty ımmýndaý - vaktsınamen ekpe jasaý juqpaly aýrýlardyń aldyn alýdyń negizgi ádisi bolyp tabylady. QR Ulttyq ekpe kúntizbesine sáıkes Qazaqstanda 21 juqpaly aýrýǵa qarsy tegin vaktsın egý júrgiziledi. Vaktsınalaýdan bas tartý ınfektsııany qabyldaǵysh adamdardyń jáne aýrýdyń kóbeıýine alyp soǵady.
