Bas dırektorǵa qarsy is qozǵalǵan joq – Atyraý munaı óńdeý zaýyty

ATYRAÝ. KAZINFORM – Atyraý munaı óńdeý zaýytynyń bas dırektory Ǵalymjan Jýsanbaevqa qatysty qylmystyq is qozǵaldy degen aqparat shyndyqqa janaspaıdy. Zaýyttyń baspasóz qyzmeti osyndaı aqparat taratty.

— Telegram-arnada jáne basqa da aqparat kózderinde taralǵan aqparat jalǵan jáne shyndyqqa janaspaıdy. «AMÓZ» JShS men onyń basshylyǵynyń atyna quqyq qorǵaý organdarynyń tarapynan eshqandaı resmı habarlama nemese suranys túsken joq. Tergeýdiń júrip jatqany týraly aqparat — zaýyt pen onyń qyzmetkerleriniń bedeline nuqsan keltirýge baǵyttalǵan áreket, — dep habarlady kásiporynnyń baspasóz qyzmeti. 

Qazir «AMÓZ» JShS qyzmetin shtattyq rejımde jumys istep tur. 

— BAQ ókilderi men jarııalanym avtorlaryn jalǵan, tekserilmegen aqparatty taratpaýǵa shaqyramyz. Mundaı áreketter qoǵamdy jańylystyryp qana qoımaıdy, sonymen qatar kásiporynnyń iskerlik bedeline, qyzmetkerlerdiń ál-aýqatyna aıtarlyqtaı zııan keltiredi. «AMÓZ» JShS mundaı jalǵan málimetter odan ári taralǵan jaǵdaıda zańdy múddesin qorǵaý maqsatynda jalǵan aqparatty taratýshylardy jaýapkershilikke tartý úshin quzyrly organdarǵa júginedi, — dep málim etti zaýyttyń baspasóz qyzmeti. 

Eske sala ketelik, buǵan deıin Atyraý munaı óńdeý zaýytynyń qondyrǵysynan býdaqtap bý kóterilgenin jazǵan bolatynbyz.