Bas bostandyǵynan aıyrylǵan azamattar túrmede qandaı mamandyqtardy ıgere alady
ASTANA. KAZINFORM — Búginde Qazaqstan abaqtylaryndaǵy sottalǵandar 48 mamandyq boıynsha bilim alyp jatyr.
Bul jóninde QR Іshki ister mınıstrligi Qylmystyq atqarý júıesi komıteti resmı saýalymyzǵa joldaǵan jaýabynda málimdedi.
— Qylmystyq atqarý júıesi mekemelerinde kásiptik jáne tehnıkalyq bilim beretin 35 uıym jumys isteıdi. Onda sottalǵandar 48 mamandyq boıynsha bilim alyp jatyr. Olardyń qatarynda: tiginshi, aspaz, tamaqtandyrýdy uıymdastyrý, kondıter-bezendirýshi, pishýshi, tigin óndirisi jáne kıimdi modeldeý, modeler-pishýshi, árleý-qurylys jumystarynyń sheberi, ara sharýashylyǵy jáne jibek sharýashylyǵy, shashtaraz óneri, esepteý tehnıkasy jáne aqparattyq jeliler, sondaı-aq, basqa da mamandyqtar bar, — delingen habarlamada.
Odan bólek, atalǵan oryndarda 34 mamandyq boıynsha qysqa merzimdi, ıaǵnı 1-2 aılyq kýrstar uıymdastyrylady.
Vedomstvo sottalǵan áıelder arasynda suranys joǵary mamandyqtardy da atap ótti. Olar — tiginshi, shashtaraz, vızajıst, kondıter jáne pishýshi.
Aıta keteıik, buǵan deıin Atyraý túrmesinde kásipkerlerdiń shaǵymynan keıin jaldaý aqysy tómendetilgenin jazǵanbyz.
