Bas bapker lıenzııalyq týrnırge baratyn quramda ózgeris bolǵanyn aıtty
ASTANA. KAZINFORM – Erkin kúresten Qazaqstan komandasynyń bas bapkeri Madııar Quramysov Stambýlda (Túrkııa) ótetin sońǵy lıtsenzııalyq jarysqa baratyn balýandardyń quramyna ózgerister engenin málim etti.
«Biz Azııa aımaqtyq lıtsenzııalyq týrnıri bastalmaı turyp, joldama bolmaǵan jaǵdaıda, sońǵy irikteýde kimderdiń kúresetinin belgilep qoıǵanbyz. Osydan birer kún buryn «Stambýldaǵy sońǵy týrnırge 57 keli salmaqta Rahat Qaljan, 65 keli salmaqta Adlan Asqarov jáne 74 kelide Talǵat Syrbaz qatysady. Joldamany kim jeńip alady, sol Olımpıadaǵa barady» dep sheshken edik. Ókinishke qaraı, Talǵat Syrbazdyń belin jaraqattap alýyna baılanysty lıtsenzııalyq týrnırge Nurqoja Qaıpanov baratyn boldy. Ol Bishkekte ótken lıtsenzııalyq dodaǵa qatysyp, joldama ala almaǵan edi. Taǵy bir múmkindik syıladyq», - dedi bas bapker.
Esterińizge sala keteıik, kúres túrlerinen sońǵy lıtsenzııalyq jarys 9-12 mamyr aralyǵynda ótedi.
Al Bishkekte ótken lıtsenzııalyq týrnırde Álisher Erǵalı (97 keli) men ıÝsýp Batyrmurzaev, Serbııadaǵy álem chempıonatynda Azamat Dáýletbekov (86 keli) joldama ıelengen.
