Bas bankır óz shákirtterin daıarlaýǵa kiristi
"Ol jerde qarjy magıstri mamandyǵy ashyldy. Atalǵan mamandyq Ulttyq banktiń qatysýymen ashylyp otyr. Biz olarmen birge oqý baǵdarlamasyn da, sılabýsty da pysyqtadyq. Endi, qarjy magıstrlerin kim jáne qalaı daıarlaıtynyn bilemiz. Aldaǵy ýaqytta osy mamandyqtyń túlekteri Ulttyq bankte de, jalpy elimizdiń qarjy salasynda da suranysqa ıe bolady dep senemiz. Nazarbaev ýnıversıteti - elimizdiń mańdaıaldy joǵary oqý orny. Ony shetelde de moıyndaıdy. Sondyqtan eki jaqty yntymaqtastyǵymyz qarjy mamandarynyń sapasyn jaqsartady degen úmitimiz bar. Búgin biz kirispe dáristi oqımyz", - dedi Danııar Aqyshev Úkimet otyrysynan keıingi baspasóz máslıxatynda.
Aıta keteıik, brıfıng kezinde Bas bankır teńge baǵamyna qatysty óz boljamyn da jarııalady. Onyń aıtýynsha, qazirgi kezde valıýta aıyrbastaý beketterine jappaı júgirip, odan tabys kórýdiń qajeti joq.