Bas aýrýyna bárine úırenshikti ıister sebep bolýy múmkin
ASTANA. 30 jeltoqsan. QazAqparat - Medıtsına qyzmetkerleri keıbir ıisterdiń bas aýyrtýy múmkin dep eskertedi. The Daily Mail-diń jazýynsha, bul «qara tizimde» pııaz ben sarymsaq bar.
Dáriger Nıkolos Sılverdiń aıtýynsha, sonymen birge, átir, aerozol, kólikterge arnalǵan aýa tazartqysh qural, asúılerdiń ıisi, tazalaıtyn quraldardyń ıisteri men temeki tútini qaýipti.
Bas aýrýymen aýyratyndardyń 50 paıyzy belgili bir ıisterge sezimtal. Jaǵymsyz ıisti ıiskegennen keıingi birneshe mınýttardan soń bas aýyra bastaıdy. Negizinen bul áıel adamdarǵa qatysty. Atalǵan jaǵdaı keıde osmofobııaǵa - ıisterden qorqýǵa alyp keledi.
Iister ıis sezimi men kóńil-kúıge jaýap beretin mı aımaqtaryna áser etedi. Olar sonymen birge, úsh tarmaqty júıkeni qabynýǵa ushyratýy múmkin. Taǵy bir aıta keterligi, ıis ózinen ózi qan tamyrynyń jıyrylýyna áser etýi múmkin.
