Bas aspazshy semizdiginen Jańa Zelandııadan qýylmaq
ASTANA. 27 shilde. QazAqparat - Jańa Zelandııa bıligi Ońtústik Afrıka Respýblıkasynyń týmasyn semizdigine baılanysty elden ketiretinin málimdedi, dep habarlady Bı-Bı-Sı.
Mamandyǵy boıynsha bas aspazshy Albertý Býıtenhýıs pen onyń áıeli Martıdiń jumys vızasyn uzartýdan bas tartyldy.
Immıgratsııalyq qyzmet bul sheshimine onyń semizdigin, 130 keli salmaǵyn ilik etti - olardyń aıtýynsha, Býıtenhýıs semizdik dertine ushyraǵandyqtan densaýlyǵy syr berip, áleýmettik qyzmet oryndary onyń emdelýine qarjy bólýge májbúr bolýy múmkin.
Erli-zaıyptylar Jańa Zelandııanyń ımmıgratsııa isteri boıynsha mınıstrine ótinish berip, sońǵy jyldary Býıtenhýıstiń edáýir aryqtaǵanyn kórsetti.
Jaqynda jarııalanǵan Ekonomıkalyq yntymaqtastyq jáne damý uıymynyń baıandamasynda Jańa Zelandııa AQSh pen Meksıkadan keıin halqy semizdikten zardap shegip otyrǵan elder arasynda úshinshi oryn alyp otyrǵanyn atap kórsetti.
